वीरगन्ज– पछिल्लो समय वीरगन्जबाट व्यापक रुपमा तस्करी भइरहेको सार्वजनिक भएको छ । संस्थागत रुपमै तस्करी मौलाएपनि सरोकारवाला निकाय मौन छन् । अघिपछि रातको समयमा हुने तस्करी अहिले दिनको उज्यालोमै मूख्य नाकाबाट हुन थालेको छ । घरायसी सामान खरिद गरि रक्सौल बजारबाट आउने सर्वसाधारणलाई नाकामा तैनाथ सुरक्षाकर्मीले चेकजाँच गरेपनि तस्करीका सामान बोकेर आउने भरिया निर्वाध रुपले आउने गरेका छन् । वीरगन्ज नाका हुँदै अहिले कपडा, मोटरपार्टस, चिनी, खसी, हार्डवेयर, चामल लगायतको सामानको तस्करी व्यापक रुपमा भइरहेको छ ।
वीरगन्ज उद्योग वाणिज्य संघले सर्टिफिकेट अफ ओरिजन (सी.ओ)बाट नै मूख्य आम्दानी गर्ने गरेको छ । आर्थिक वर्ष २०७८/७९ मा संघले सीं.ओ.बाट १ करोड ९६ लाख ५८ हजार रुपैया आम्दानी गरेको थियो । तर, आर्थिक वर्ष २०७९/८० मा सी.ओ.बाट हुने आम्दानी झन्डै एक करोड रुपैयाले घटेको पाइएको छ ।
ट्रकमा चामल राखेको देखाएर राजस्व छलेको कपडाको चोरी पैठारी गरिएको थियो । विभागका महानिर्देशक नवराज ढुंगानका अनुसार ट्रकमा कुर्ता सलवार, सारी, धोतीलगायतका तयारी पोशाक रहेको छ ।
प्रतिक्रिया दिनुहोस्